БНХАУ-д өнгөрсөн оны есдүгээр сараас хойш хуурамч коронавирусийн вакцин үйлдвэрлэх үйл ажиллагаа явуулж байсан гэмт хэргийн сүлжээг таслан зогсоох арга хэмжээ авч байгаа талаар албаныхан мэдээлэв.

Жиангсу, Бээжин, Шандун хэсгийн цагдаа нар 3,000 гаруй хуурамч вакцины тун үйлдвэрлэхэд оролцсон 80 гаруй хүнийг баривчилжээ. Цагдаагийн байгууллагын тогтоосноор гэмт хэрэгтнүүд давсны уусмалаар хуурамч вакцин үйлдвэрлэн, өндөр үнээр зарж борлуулан, асар их ашиг орлого олсон байна. Хятадын Олон нийтийн аюулгүй байдлын яамнаас хуурамч вакцин үйлдвэрлэж, борлуулсан, мөн вакцин нэрийн дор луйвар хийсэн хэргийг шалгаж байгаа аж.

Хятад улс "Синовак", "Синофарм" гэсэн хоёр компанийн тарилгаар хүн амаа вакцинжуулж байгаа билээ. Эдгээр вакцин хоёул 78 хувиас дээш үр дүнтэй гэх мэдээлэл өргөн тархаад байсан хэдий ч Бразил дахь "Синовак" вакцины сүүлчийн шатны туршилтын үр дүн 50.38 хувьтай гарсан. Тэгвэл зарим улс орнууд "Синовак" вакциныг хянаж үзэх хэрэгтэй хэмээн дүгнэн, тус вакцины хэрэглээг түр зогсоогоод байгаа юм.

Эх сурвалж: CNN

---