Хөвсгөл аймгийн Мөрөн суманд гэрийн тусгаарлалтад байгаа иргэдийг шалгахад есөн иргэн гэрээсээ гарсан зөрчил гаргасан байна.

Мөрөн сумын Засаг даргын 2021 оны А/7 дугаар захирамжийн дагуу коронавируст халдвараас урьдчилан сэргийлэх, гэрийн тусгаарлалтад орсон иргэдийн хяналтыг чангатгах зорилгоор нэгдүгээр сарын 29-ний өдөр Мөрөн сумын 14 багийн баг зохион байгуулагчид, ЦГ, ОБГ, УЗХ-ны сайн дурын ажилчидтай хамтран эргүүл хяналтаар ажиллалаа.

Тус эргүүлээр гэрийн тусгаарлалтад байгаа 211 иргэний гэрээр халдвар хамгааллын дэглэм баримтлан хяналт шалгалтаар очиход есөн иргэн гэрээсээ гарсан зөрчил илэрсэн байна.

---