Үндсэн хуулийн цэцийн 2021 оны 01 дүгээр сарын 20-ны өдрийн дунд суудлын хуралдаанаар УИХ-аас 2017 оны 6 дугаар сарын 30-ны өдөр баталсан Эх, олон хүүхэдтэй өрх толгойлсон эх, эцэгт тэтгэмж олгох тухай хуулийн таван заалт хууль зөрчсөн эсэх тухай маргааныг хянан хэлэлцсэн.

Ингээд Эх, олон хүүхэдтэй өрх толгойлсон эх, эцэг 0-3 насны хүүхдээ гэртээ харж байх хугацаанд улсаас олгож буй мөнгөн тэтгэмжийг олгохдоо хүйсээр ялгаварлан гадуурхсан байна гэж үзэж, уг хуулийн үйлчлэлийн хугацааг 2021 оны 7 дугаар сарын 01-ний өдрөөс эхлэн түдгэлзүүлэхээр шийдвэрлэсэн.

Цэцийн дүгнэлтийг Хууль зүйн болон Нийгмийн бодлогын байнгын хороо хуралдаанаараа хэлэлцээд дэмжсэн. Харин чуулганы хуралдаанд оролцсон гишүүд ҮХЦ-ийн уг дүгнэлтийг хүлээн авах нь зүйтэй гэж үзлээ.

Ингэснээр 0-3 насны хүүхдээ харж буй эхэд сар бүр олгодог 50,0 мянган төгрөг олгох үйл явц хэвээр үргэлжлэх бөгөөд харин ирэх долоодугаар сарын 01-ээс өмнө амжиж УИХ хуулийн алдаагаа засах шаардлага үүслээ. Хэрэв хуульд өөрчлөлт орвол 0-3 насны хүүхдээ харж буй эх ажилдаа орсон тохиолдолд уг мөнгөн тэтгэмжийг үргэлжлүүлэн гэртээ хүүхдээ харж буй эцэгт нь олгох хуулийн зохицуулалт хийх юм. 

---