Ардчилсан намын дунд шатны гишүүд болох залуучууд өнөөдөр С.Зориг агсны хөшөөний урд МАН болон АН-ын удирдлагуудад хандан мэдэгдэл хийлээ. 

Ардчилсан намын залуучуудын хувьд ардчиллаа, үнэт зүйлээ авч үлдэхийг хүсэж буйгаа илэрхийлсэн юм.

Эх баригч МАН Ковид-19 гарснаас хойш ямар ч бэлтгэлгүй, хариуцлагагүй, ойлгомжгүй хүний эрх зөрчсөн мэдэгдэл, шийдвэр гаргасан. Өнөөдрийг хүртэл ард иргэдийн хандив, тусламжийг хэрхэн зарцуулснаа ил тод тайлагнахгүй байна. Засгийн газар нь огцорч, 100 жилийн ойгоо сүр дуулиантай тэмдэглэх гэж байна. Гэтэл ард иргэддээ хандсан шийдвэр гаргахгүй байна.

Ардчилсан нам дотоод асуудлаа шийдэж, үйл ажиллагаагаа хэвийн явуулахыг залуу гишүүд бид нар шаардаж, талуудад хатуу мэдэгдэж байна.

Ардчилсан намын залуучууд “Монголын ард түмний, Ардчилсан намын гишүүд” баймаар байна. Бид аль нэг цамхгийн нам биш үзэл санааны нам байхын төлөө тэмцэж, мэдэгдэл хийж байна.  

---