АНУ-ын Денвер хотод Сенегалиас ирсэн цагаач гэр бүлийн таван хүн өнгөрсөн жил байшиндаа шатаж амиа алдаж байсан. Тэгвэл уг хэргийг үйлдсэн байж болзошгүй өсвөр насны гурван хөвгүүнийг цагдаа нар баривчлан саатуулжээ. Уг галаар насанд хүрсэн гурван хүн, хоёр хүүхэд нас барсан юм.

Денверийн цагдаагийн газар 16 настай хоёр, 15 настай нэг хүүхдийг хүн амь, санаатайгаар гал түймэр тавьсан, орон байр дээрэмдсэн зэрэг хэд хэдэн хэрэгт буруутган сэжиглэжээ. Хөвгүүдийн нэрийг олон нийтэд зарлаагүй ба прокурорт албан ёсоор хэрэг үүсээгүй гэж мэдээлжээ.

Олон нийтэд дэлгэсэн хэргийн нотлох баримт болсон зурган дээр гурван хүн хар өнгийн малгайтай цамц өмсөж, амны хаалт зүүж нүүрээ халхлан байшинд санаатайгаар гал тавьсны дараа хар өнгийн суудлын автомашинтай хэргийн газраас зугтжээ. Уг галын үеэр байшинд байсан зарим цагаач иргэн цонхоороо үсэрч амьд гарсан ба ойролцоох хоёр байшин цуг шатсан юм.

Үүний дараа Сенегалийн Ерөнхийлөгч Мэки Солл мэдэгдэл хийж олон улсын анхаарлыг татсан билээ.

Эх сурвалж: CNN

---