МАН-ын Удирдах зөвлөл яг одоо хуралдаж байна. Удирдах зөвлөлөөр Л.Оюун-Эрдэнийн Засгийн газарт орж ажиллах сайд нарын нэрсийг хэлэлцэж байгаа ажээ. Хэрэв өнөөдөр сайд нараа тодруулж, чуулганд танилцуулж, хүн тус бүрээр томилуулж дуусвал УИХ-ын намрын ээлжит чуулган хаалтаа хийх юм байна.

Одоогоор өмнөх Засгийн газрын есөн сайдыг хэвэр үлдээж долоон сайдыг шинээр оруулж ирнэ гэх таамаг яригдаж байна. 

Шинээр томилогдох сайд нарт, 

•  Шадар сайд –С.Амарсайхан

•  ЗГХЭГ-ын дарга –О.Батнайрамдал

•  Сангийн сайд – Б.Жавхлан

•  Гадаад харилцааны сайд – Х.Булгантуяа

•  Эрүүл мэндийн сайд – Т.Болормаа, Т.Мөнхсайхан

•  Боловсрол, шинжлэх ухааны сайд –Л.Энх-Амгалан

•  Соёлын сайд – Ч.Номин, С.Батцэцэг нарын нэрс яригдаж байна. Бусад сайд нараа хэвээр үлдэх бололтой. Гэвч энэ бол баттай таамаг биш. Юутай ч өнөөдөртөө багтаж сайд нарын нэр тодорхой болно. 

Дөнгөж сая өнөөдрийн УИХ-ын чуулганы хуралдааныг 13:00 цаг хүртэл завсарлууллаа. МАН-ын бүлгийн дарга Д.Тогтохсүрэн "Өнөөдөр үдээс хойш Засгийн газрын гишүүдийг томилно. Түүнээс өмнө намын удирдах байгууллага хуралдах шаардлагатай байна. 13:00 цаг хүртэл завсарлана авах хүсэлт гаргаж байна" гэв. 

---