Их Британид явагдаж байгаа Новаваксын шинэ вакцины туршилт 89,3 хувийн үр дүнг харуулж байгаа гэдгийг мэдээлжээ. Уг вакцин нь Их Британид газар авсан мутацид орсон шинэ төрлийн коронавирусийн эсрэг үр дүн харуулж байгаа анхны тарилга гэж эх сурвалжид дурдсан байна.

Ерөнхий сайд Борис Жонсон өндөр үр дүнтэй вакцины мэдээг сайшаалтайгаар хүлээж авснаа илэрхийлжээ. Их Британийн Засгийн газар Стоктон-он-тийсд үйлдвэрлэгдэх уг вакцинаас 60 сая тунг худалдаж авахаар бэлдэж байна.

Хэрэв Эрүүл мэндийн бүтээгдэхүүний захиргааны агентлагаас дэмжигдвэл энэ жилийн хоёрдугаар хагасаас иргэдэд тарьж эхэлнэ гэжээ. Одоогоор Их Британид яаралтайгаар гурван төрлийн вакцин хийх зөвшөөрлийг олгосон. Үүнд Оксфорд-АстраЗенека болон Пфайзер/БиоНТек, Модернагийн вакцинууд багтаж байна.

Новаваксын вакцины туршилт -эмнэлзүйн гуравдугаар шатандаа явагдаж байгаа юм. Эцсийн шатны туршилтад 18-84 насны 15,000 гаруй сайн дурынхан оролцжээ.

Эх сурвалж: ВВС

---