Ардчилсан нам өдгөө хоёр даргатай, хоёр тамгатай, хоёр байртай болоод байгаа. Өчигдөр өдөр тутмын сонинд "АН-ын 21 аймгийн намын хорооны тамгыг гээгдүүлсэн" гэх зар гарсан. Энэ мэт нам дотор үүсээд байгаа асуудлуудын талаар АН-ын Улс төрийн зөвлөл хуралджээ. 

АН-ын улс төрийн зөвлөлийн гишүүн Д.Нямхүү: 

-Сонгуульд ялагдсан бол удирдлагууд нь явдаг дүрмээр С.Эрдэнэ явсан. УДШ үндсэн дүрмийн өөрчлөлтийг албажуулна. Тэрнээс биш С.Эрдэнийг намын дарга болгохгүй. З.Энхболд, С.Эрдэнийгээ өмөөрөөд янз бүрийн юм тайлбарлаад байна лээ. Энэ хүмүүс бол хөлсний хүмүүс. Ерөнхийлөгчийн сонгуульд ялагдуулах зүйл хийж байгаа улс. Үндсэн дүрмийн хороо хуралдаж, удахгүй энэ асуудалд цэг тавина. С.Эрдэнэ бүрмөсөн огцроод явчихна. Маргааш шийдэгдэнэ. 

АН-ын улс төрийн зөвлөлийн гишүүн С.Эрдэнэболд:

-Ардчилсан намын асуудлыг шийдвэрлэхийн тулд хэн нэгэн өмчлөхөөс татгалзах хэрэгтэй. Ардчилал бол ард түмний итгэл үнэмшил. Одоо үүсээд байгаа нөхцөл байдал бол гадаад, дотоод нөлөө орсон, улс төрийн зорилготой дүрмийн хямрал юм. X их хурлын дүрмийг УДШ хүлээн авахаас татгалзаагүй. УДШ намын дүрмийг баталдаггүй, зөвхөн бүртгэдэг. Энэ удаад бүртгээгүй ч дараа, дараагийн удаад бүртгэнэ гэдэгт итгэлтэй байна. 

---