Сүхбаатарын талбайд өлсгөлөн зарлаад байгаа УИХ-ын гишүүн С.Ганбаатар нартай Монгол Улсын Хүний эрхийн Үндэсний Комиссын гишүүн Б.Энхболд, Тамгын газрын дарга Ч.Алтангэрэл нар уулзжээ. 

ХЭҮК-оос УИХ-ын гишүүн С.Ганбаатарын тэмцлийг ажиглаж, УОК-ын Шуурхай штаб, ЦЕГ, ЭМЯ зэрэг холбогдох газраас мэдээлэл авч байсан гэдгээ онцлоод хүний язгуур эрх болох үзэл бодлоо чөлөөтэй илэрхийлэх эрх, эрх чөлөөгөө эдлэх нь зүй ёсны хэрэг хэдий ч эрүүл мэндийн нөхөгдөшгүй байдлаа хадгалж үлдэхэд анхаарч, тэмцлийн өөр арга хэлбэрийг сонгохыг зөвлөжээ.

Харин УИХ-ын гишүүн С.Ганбаатар монгол гэрүүдийг нийслэлийн төв талбайд бариулах зөвшөөрөл олгох боломжоор хангаж өгөхийг хүсчээ.

Монгол Улсын Хүний эрхийн Үндэсний Комиссын тухай хуулиар ХЭҮК-ын үйл ажиллагааны чиглэл хязгаарлагддаг, тухайн асуудлын зөв, бурууг шүүх, ямарваа улс төрийн үйл ажиллагааг дэмжих боломжгүй тул уг хүсэлтийг биелүүлэх, зөвшөөрөл өгөх чиг үүрэг байхгүйг хэлжээ. 

 

---