АТГ-ын Олон нийтийн зөвлөлийн дарга Г.Баасан болон гишүүн И.Мөнхжаргал нар олон нийтэд хандан мэдээлэл хийлээ. Тэд Засгийн газар зохион байгуулалттайгаар огцорч, УИХ барьцаалагдагдсан гэж үзэж байна. 

АТГ-ын Олон нийтийн зөвлөлийн дарга Г.Баасан: 

-УИХ-ын чуулган дээр ХЗДХ-ийн сайд Х.Нямбаатар "Төрийн ордны зүүн жигүүрийн гуравдугаар давхарт шүүгч нарыг дуудаж, чиглэл заавар өгдөг" гэж мэдэгдсэн. Хэрэв ийм үйлдэл үнэхээр гарсан бол УИХ-ын гишүүн үүнийг илчлээгүй, нүдэн балай чихэн дүлий явснаараа хариуцлага хүлээх ёстой. Энэ бол гэмт хэрэг.

Шүүхийн байгууллага сүүлийн үед өндөр түвшний авлигачдад зөөлөн хандаж байна. Ийм байхад авлигачид "махны машинд хэрчүүллээ" хэмээн ярьж байна. Авлигачид ингэж ярьж байгаа бол ард  түмэн амьтан болсон юм байна. 

Ерөнхийлөгч ҮАБЗ-ийн хурал зарлахад гишүүд нь хуралдаа ирэхгүй байна. УИХ оффшорчдод барьцаалагдсан байж магадгүй. 

АТГ-ын Олон нийтийн зөвлөлийн гишүүн И.Мөнхжаргал: 

-АТГ-ын дарга, дэд даргын Ерөнхийлөгчийн санал болгосноор УИХ томилдог байсан. Гэтэл үүнийг ерөнхийлөн захирагч руу шилжүүлж байгаа нь буруу. Ерөнхийлөгчийн хоригийг хүлээн аваагүй. ШЕЗ үүн дээр хариу тайлбар хийх хэрэгтэй. 

---