Сүүлийн 24 цагийн дотор Улаанбаатар хотод 16 хүн халдвар авсан нь батлагдсан байна.

ХӨСҮТ-ийн Тандалт судалгааны албаны дарга А.Амбасэлмаа: Улаанбаатар хотод коронавирусийн батлагдсан тохиолдол 814 боллоо. Цэргийн төв эмнэлгээс 10, ХӨСҮТ-өөс 15 хүн эдгэрч дараагийн хяналт руу шилжсэн бол Хан-Уул дүүргийн 300 ортой эмнэлгээс 50 хүн бүрэн эдгэрч гэртээ гарсан.

Батлагдсан 16 тохиолдол өмнө нь тусгаарлалтад байсан иргэдийн давтан шинжилгээ, БЗД-ийн 2 дугаар хорооны 4, 5 дугаар хэсгийн иргэд, ЭМЯ-ны нэг ажилтнаас халдвар илэрсэн. ЭМЯ-ны 128 хүнд шинжилгээ хийхэд бүгд сөрөг гарсан. Тус яамны таван хүнийг тусгаарлан, 28 хүнийг гэрийн ажиглалтад байлгаж байна.

БЗД-ийн 2 дугаар хорооны 4, 5 дугаар хэсгийн 1069 иргэн шинжилгээнд хамрагдсан үргэлжлүүлэн тандалт судалгаа үргэлжлэн хийгдэж байна.

Идэвхтэй байгаа голомтууд:

• БГД-ийн 12 дугаар хорооны 19 дүгээр байрны халдварын голомт идэвхтэй
• БЗД-ийн 2 дугаар хорооны 4, 5 дугаар хэсгийн оршин суугч 11 хүн халдвар авсан нь тогтоогдсон.
• Тохижилт үйлчилгээний компанийн гэр бүлээс халдвар илэрч байна
• Саналаараа шинжилгээ өгөхөд халдвар илэрсэн тохиолдол гарч байна.

Хөдөө орон нутаг руу буцах хүсэлтэй иргэд шинжилгээ өгөх үеэр нэг иргэнээс халдвар илэрсэн. Тухайн иргэний хувьд батлагдсан тохиолдолтой хавьтал болсон байсан.

Ямар ч хүн хэн, хэзээ ч, хаанаас халдварт өртөх эрсдэл өндөр байна. УОК-ын даргын тушаалын дагуу хамтарсан багууд эрсдэлийн үнэлгээ хийсэн. Нийслэл хотод халдварын эрсдэл өндрөөс маш өндөр гарсан нь нийслэл хотод хүн ардын дунд халдвар тархах маш их эрсдэлтэй гэсэн үг. Нийслэлийн хэмжээнд коронавирусийн халдвар алдвал иргэдийн өвчлөл нэмэгдэнэ гэв.

---