Улсын Дээд шүүхийн хяналтын шатны эрүүгийн хэргийн шүүх хуралдаанаар өнөөдөр Н.Номтойбаяр, Б.Нямдаваа, Б.Шижиржаргал, Н.Баттөгс, Н.Ууганбаяр, Д.Батмөнх, М.Нямдэмбэрэл, Н.Алтансувд нарт холбогдох эрүүгийн хэргийг хэлэлцэнэ.

Н.Номтойбаяр нарт холбогдох хэрэг хэлэлцэх хэргийн жагсаалтын наймдугаарт байгаа учир үдийн цайны дараа орох таамаг байна.

Шүүгдэгч Н.Номбаярыг Хөдөлмөр нийгмийн хамгааллын сайдаар ажиллаж байх үедээ албан тушаалын эрх мэдлээ урвуулан ашиглаж, улсад онц их хэмжээний хохирол учруулсан гэм буруутай хэмээн үзэж, таван жил таван сар хорих ялыг анхан шатны шүүхээс оноосон юм.

---