Нэгдүгээр сарын 18-ны өдөр Нэгдүгээр төрөх эмнэлэгт амаржсан ээжтэй хавьтал болсон буюу тус эмнэлэгт хэвтэж байсан ээжүүд, эмч, мэргэжилтнүүд нийт 357 хүнээс PCR шинжилгээ авсан гэж ХӨСҮТ-өөс өчигдөр мэдээлсэн.

ХӨСҮТ-ийн Тандалт, судалгааны албаны дарга А.Амбасэлмаа: Нэгдүгээр төрөхөд амаржсан ээжтэй хавьтал болсон хүмүүсээс халдвар илрээгүй. Тандалт, судалгаа үргэлжилж байна. 

-Эх, нярайн бие ямар байна вэ?

-Эх, хүүхдийн биеийн байдал сайн байна. Ээжид коронавирусийн эсрэг эмчилгээ хийж байгаа. 2020 онд ХӨСҮТ-д 21 эх амаржсан. 19 нь голомтот бүсээс ирсэн ээжүүд байсан.

Коронавирусийн халдвартай 4 ээж амаржсан. Ээжээс нярайд халдвар халдсан тохиолдол бүртгэгдээгүй. Энэ нь магадгүй ээжийн дархлаатай холбоотой. Мөн ээжүүдэд халдвар хамгааллын дэглэмийн талаар мэдээлэл өгсөн, ээжүүд дэглэмийг чанд барьсантай холбоотой байх. Мөн сүрьеэтэй, гепатитийн халдвартай 3 ээж төрсөн. 

 

 

---