ЭМЯ-наас коронавирусийн халдварын нөхцөл байдлын талаар мэдээлэл өглөө. Сүүлийн 24 цагийн хугацаанд 15849 иргэнд шинжилгээ хийхэд 14 хүнд коронавирусийн халдвар бүртгэгджээ.

• БЗД-ийн 17 хороонд оршин суудаг хоёр гэр бүлийн есөн хүнээс халдвар илэрлээ. Тэдгээр иргэд ажиглан тусгаарлах байранд тусгаарлагдаж байсан.
• БГД-ийн 6 дугаар хорооноос нэг гэр бүлийн гурван хүнээс халдвар илэрлээ.
• БЗД-ийн нэгдсэн эмнэлэгтэй холбоотой  гэр бүл дамжсан халдвараар нэг хүн өвчилсөн байна.
• ИНЕГ-ын ажилтны ойрын хавьтал нэг хүнээс халдвар илэрсэн.
  Дээрх хүмүүс ажиглан тусгаарлах байранд байсан бөгөөд заримынх нь давтан шинжилгээгээр халдвар илэрлээ.

Сэлэнгэ аймгийн нэгдсэн эмнэлэгт эмчлүүлж байсан 7 иргэн эдгэрч эмнэлгээс гарсан бөгөөд тус аймагт халдвартай иргэдээ бүрэн эмчлээд байна. Тус аймагт өдөртөө 200 гаруй иргэнээс тандалтын судалгаа хийж байгаа бөгөөд халдварын шинэ тохиолдол бүртгэгдээгүй байна. Одоогоор Сэлэнгэ аймгийн хувьд голомтын хяналтын хугацаандаа явж байгаа юм.

Түүнчлэн Цэргийн төв эмнэлэгт эмчлүүлж байсан 30 иргэн, ХӨСҮТ-д 6, Сэлэнгэ аймагт 6 иргэн эдгэрч эмнэлгээс гарч нийт 909 иргэн эдгэрээд байна. Өнөөдрийн байдлаар халдвартай 462 иргэн эмчлүүлж байна.

Манай улсын хувьд коронавирусийн халдварын тархалтын 80 гаруй хувь нь маш ойрын хүмүүстээ халдвар тарааж байна.

-Гэр бүлийн хавьтал-40 хувь

-Хамт олон, байгууллагын ажилчид-20 хувь

-Орон сууцны нэг орцны хүмүүс-10 хувь

-Зохион байгуулалттай баяр ёслол, салхинд гарах-10 хувь

-Орц гудамжтай холбоотой-10 хувь

-Эмч, сувилагч-20 хувь нь халдвар авч байна.

---