Монгол ардын намын бага хурал энэ сарын 10-ны өдөр буюу энэ бүтэн сайн өдөр зарлагджээ. Уг хурлаар МАН-ын 100 жилийн ойг тэмдэглэн өнгөрүүлэх, намын их хурлыг зарлан хуралдуулах тов, уг хурлын төлөөлөгч сонгох тухай, хэлэлцэх асуудал зэргийг хэлэлцэх аж.

Мөн 2021 оны Ерөнхийлөгчийн сонгуульд МАН хэрхэн оролцох асуудлыг хэлэлцэхээр тусгажээ.

Хэдийгээр хурлын хэлэлцэх асуудалд багтаагүй ч тус намын гишүүн хэд хэдэн хүн "торны цаана" хоригдож, тэдний араас "явж" магадгүй мөн л хэд хэдэн нэрс дуулдах болсон тул уг асуудалд нам ямар байр сууринаас хандах, гишүүдээ хэрхэн өмгөөлж хамгаалах зэрэг асуудлыг нууц хуралдаанаар хэлэлцэж магадгүй гэж эх сурвалж хэллээ.

МАН-ын ээлжит бага хурал 11 цагаас Тусгаар тогтнолын ордонд эхлэх ажээ.

---