БГД-ийн 5,6-р хорооны бүх иргэнээс PCR шинжилгээг хоёр хоногт авахын тулд хэсэгчилсэн хөл хориог өнөөдрийн 06 цагаас эхлэн тогтоогоод байгааг газар дээрээс нь сурвалжиллаа. 

Баянгол дүүргийн Засаг даргын орлогч Д.Мөнхбаатар: 

-Энэ бол хөл хорио биш юм. Хэсэгчилсэн хязгаарлалтын дэглэм гэж ойлгох хэрэгтэй. БГД-ийн 5,6 дугаар хороонд 8000 өрхийн 23 400 иргэн оршин сууж байна. Бүх хүнийг хоёр хоногт шинжилгээнд хамруулна гэв. 

Хэсэгчилсэн хязгаарлалтын дэглэм тогтоосон бүсэд иргэд эмийн сан болон хүнсний дэлгүүр орохыг зөвшөөрчээ. Хэрэв зөвлөгөө, шинжилгээтэй холбоотой асуух зүйл байвал дүүргийн ЗДТГ-ын 7012-3217 дугаарт хандаж болох юм байна. 

Нийт 300 хүний бүрэлдэхүүнтэй явуулын 50 баг байр тус бүрээр очиж PCR шинжилгээг авч байгаа ажээ. 

---