С.Эрдэнийн удирдаж буй Ардчилсан намаас өнөөдөр мэдэгдэл гаргаж "Тус намын 1117237845 дугаартай тамгыг хүчингүй болгосныг өдрийн сонинд зарласан. Иймд Ардчилсан намын төв байр УБ хот, Сүхбаатар дүүрэг, 1 дүгээр хороо, Соёл амралтын хүрээлэн, Гэндэнгийн гудамж"-нд байрлаж байна хэмээжээ. 

Энэ нь хуучнаар Ардчилсан намын төв байр буюу Шонхор тауэр бөгөөд өдөр тутмын сонинд зарласнаар тамгыг шинээр хийлгэх эрх үүсдэг билээ. 

Харин үүнийг үгүйсгэж, "Бодь цамхаг"-т байрлах Ардчилсан намын хуульч Т.Мөнх-Оргил "Тамгатай холбоотой асуудал дээр хууль бус шийдвэр гаргасан этгээдүүдийг АТГ-т өгсөн. Улсын дээд шүүхийн вэб сайтад намын даргын үүрэг гүйцэтгэгчээр Ц.Тувааныг бүртгэсэн байгаа" хэмээлээ. 

Ардчилсан намын дарга С.Эрдэнэ "УДШ-ийн вэб сайт дээр алдаа гарсныг эрх бүхий хүмүүс нь залруулна" гэж мэдэгдсэн билээ. 

---