Японы Ямагата мужид болсон энэ жилийн анхны дуудлага худалдаагаар 500 граммын жинтэй, нэг хайрцаг шинэ ургацын интоор нэг сая иен буюу 9,800 ам.доллароор зарагдсан тухай тус мужийн албан ёсны вэбсайтад мэдээлжээ.

Уг жимсний өндөр үнэ нь тариалах технологитой нь холбоотой. Интоорын моднуудыг тусгай торхонд ургуулдаг бөгөөд зургадугаар сараас аравдугаар сар хүртэл тэднийг хөргөгчид хадгалдаг байна. Үүний дараагаар моднуудыг хүлэмжид шилжүүлэн, өдөртөө 25, шөнөдөө 13 градусын хэмтэй орчинд байлгадаг аж.

Ямагата муж нь Японд ургуулсан интоорын 75 хувийг хангадаг бөгөөд жимс нь хаврын сүүлээр, зуны улиралд гардаг байна. Хамгийн өндөр үнээр зарагдсан тус интоор нь Японы хамгийн эртний Сатонисики сортынх байсан бөгөөд хайрцагт хэдэн арван том интоорыг шилж хийсэн байжээ.

Эх сурвалж: iz.ru

---