Дэлхийн Эрүүл мэндийн байгууллага 2020.12.31-ний өдөр коронавируст халдвар Ковид-19-өөс урьдчилан сэргийлэх анхны вакциныг баталгаажууллаа. Коронавируст халдвар тархаж эхэлснээс хойш дэлхийн улс орнууд урьдчилан сэргийлэх вакцин үйлдвэрлэхээр зорьж байгаа бөгөөд ийнхүү Pfizer/BioNTech Америк, Германы фирмүүдийн хамтран үйлдвэрлэж, хэд хэдэн улсад хэрэглэж эхэлсэн вакциныг ДЭМБ-аас баталгаажуулж байна. Pfizer/BioNTech вакцин нь дэлхийн олон орны эмийн зохицуулалтын мэргэжилтнүүдийн хяналтан дор аюулгүй байдал, чанар, эрсдэл зэрэг олон шалгуураар дамжиж баталгаажсан юм. ДЭМБ-ын Дархлаажуулалтын Стратегийн зөвлөхүүд(SAGE) 2021 оны 1-р сарын 5-ны өдөр хуралдаж энэ вакциныг хүн амд хэрэглэх талаар тодорхой бодлого, зөвлөмж боловсруулан олон улсад түгээхээр бэлтгэлээ базааж байна.

---