Манай улс цар тахлын улмаас бүх нийтийн бэлэн байдлын зэрэгт шилжиж, хөл хорио тогтоогоод байгаа билээ. Гэвч иргэд шинэ жилийн баяраа тэмдэглэхээр “Жүр үр бэйкери” компанийн үүдэнд 100-200 метр үргэлжилсэн уртаас урт дараалал үүсгэжээ.

Манай сурвалжлах баг “Жүр үр бэйкери” компанийн 3, 4-р хорооллын төв салбарын нөхцөл байдлыг сурвалжиллаа.

“Жүр үр бэйкери” компанийн хувьд өөрсдийн цахим хуудсаараа дамжуулан энэ сарын 30-ны 11:00 цагийн байдлаар бүх салбарт бялуу дуусаж салбаруудаа хааж буйгаа мэдэгдсэн. Гэвч иргэдийн хувьд өглөөний 09:00 цагаас эхлэн гурван цаг дугаарлаж байгаа ч баярын ширээний бялуугаа авч чадахгүй байгааг учирласан юм. Ажилчид нь бялуу дууссан гэсэн мөртлөө иргэдийг оруулж, зарж байгаа тул дугаарлаад зогсож байна.

Тус компанийн борлуулалтын хэлтсийн дарга Ц.Гэрэлмаа: Энэ жил урд, хойд хил хаасантай холбоотойгоор түүхий эдийн таслалт үүссэн. Түүхий эдийн хомстлоос болоод маш цөөхөн тооны бялуу үйлдвэрлэж байна. Энэ сарын 31-нд маш цөөхөн тоогоор бялуу үйлдвэрлэн хэд хэдэн салбаруудад зараад дуусах байх. Энэ жил манай үйлдвэрийн бялуу өнгөрсөн жилүүдийнх шиг бүх хүнд хүрэлцэхгүй гэдгийг хэрэглэгчдэдээ дуулгамаар байна.

Зарим бялуугаа үйлдвэрлэж, хадгалах стандарт хугацаанд нь хөргүүрт байлгадаг гэв.

 

---