БНХАУ-ын тоглоом хөгжүүлэгч, тэрбумтан Лин Чиг зул сарын баярын өдөр хордуулж амь насыг нь бүрэлгэсэн тухай Шанхай хотын цагдаагийн газраас мэдээлжээ. Тэрээр Yoozoo тоглоом хөгжүүлэгч компанийн захирал байсан юм. Тус компани Game of Thrones: Winter Is Coming тоглоомоороо алдартай ажээ.

Энэ жил 39 настай байсан Лин Чи 6,8 тэрбум юань буюу тэрбум ам.долларын хөрөнгөтэй байжээ. Хамгийн гол сэжигтэн нь ойрын хүрээллийн хамтрагчдынх нь нэг Шу гэгч болохыг мэдээлэв.

Өнгөрсөн долоо хоногийн баасан гарагт Лин Читэй хамт ажиллаж байсан, одоо ажиллаж байгаа олон хүн Yoozoo компанийн гадаа цуглаж эмгэнэл илэрхийлэн гашуудсан байна. Компанийн зүгээс “Баяртай, бид үргэлж хамт байх болно. Сайн сайхны төлөө муу бүхний эсрэг тэмцлээ үргэлжлүүлнэ” гэсэн мэдэгдэл гаргажээ.

Эх сурвалж: ВВС

---