Эрчим хүчний яамнаас цахилгаан эрчим хүчний үйлдвэрлэл, хэрэглээний баланс, улсын хэмжээнд цахилгаан эрчим хүчний хэрэглээ ямар түвшинд байгаа талаар мэдээлэл хийлээ.

Өнгөрсөн хоногийн хугацаанд цахилгаан эрчим хүчний оргил ачаалал 1234 МВт хүрч өнгөрсөн оны мөн үеэс 11 хувиар өссөн дүнтэй байна. Оргил ачааллын үед ОХУ-аас 165 МВт эрчим хүч худалдан авч хэрэглэсэн.

Энэ сарын 13-нд Засгийн газрын шийдвэр гаргаж, цахилгаа дулааны мөнгийг тэглэсэнтэй холбогдуулан цахилгаан эрчим хүчний оргил ачаалал 1309 МВт хүрсэн. Хэрэглэгч нартаа цахилгаан эрчим хүчээ хэмнэхийг зөвлөснөөс хойш оргил ачаалал өдөр болгон буурч байгаа сайн үзүүлэлт байна.

Улаанбаатар хотын ачаалал өчигдөр 811 МВт хүрч өмнөх өдрөөс бага зэргийн өсөлт ажиглагдсан. Уг өсөлт нь орон сууцны хэрэглэгчдийн цахилгаан эрчим хүчний хэрэглээ өсөж, гэр хорооллын хэрэглэгчдийнх буурсан үзүүлэлттэй байна.

Улаанбаатар хотын хэмжээнд ачаалал өндөр шугам тоноглолын хувьд зуслан, хадат, нүхтийн ам, өлзийт, ар гүнт чиглэлд байгаа юм.

Түүнчлэн цахилгаан хангамжийн төлбөрийн цикл болон Эрчим хүчний тухайн хуулийн 32.2.1 заасан эрчим хүч хэрэглэсний төлбөрөө хугацаанд төлөөгүй хэрэглэгчдэд ямар хариуцлага тооцдог талаарх мэдээллийг Эрчим хүчний яамнаас өглөө.

---