Өмнөд Африкт  мутацид орсон коронавирусын халдвар хурдтай тархаж байгааг эрдэмтэд тогтоолоо хэмээн ХБНГУ-ын tagesschau.de сайт мэдээлэв.

Мутацид орсон коронавирусийн “501st V2” нэртэй шинэ хувилбар нь залуу хүмүүст хүртэл хүндээр тусаж буй бөгөөд маш богино хугацаанд уушгийг хүндээр өвчлүүлж байгааг эрдэмтэд тогтоожээ.

Өмнөд Африкийн судалгааны баг “Цар тахлын халдвар авсан хүмүүсээс олон зуун дээж авч шинжилж үзээд тус улсад тархаад байгаа халдвар нь коронавирусийн мутацид орсон хувилбар биш харин цоо вирус байна хэмээн үзсэн бөгөөд судалгааныхаа үр дүнг Дэлхийн эрүүл мэндийн байгууллага болон Их Британийн эрх баригчдад хүргүүлсэн байна.

---