ХҮН-аас Хан-Уул дүүрэгт сонгогдсон төлөөлөгчид төлөөлөгчийн урамшууллын мөнгөнөөсөө татгалазж байгаагаа мэдэгдсэн. Харин тэд уг мөнгөөрөө 80 оюутанд тэтгэлэг гардуулахаар болжээ.

Дүүргийн ИТХ-ын төлөөлөгч нарт улирал бүр таван сая, жилдээ 20 сая төгрөг гардуулдаг бөгөөд энэ мөнгөнөөс татгалзах уриалгыг ХУД-т ХҮН-аас сонгогдсон төлөөлөгчид гаргасан ч дэмжигдээгүй юм. Тиймээс тэд өөрт ногдох урамшууллаа ийн оюутнуудад зарцуулахаар болжээ. Ингэхдээ "Зөв Хүн-Оюутны тэтгэлэгт хөтөлбөр" нэрийн дор 2021 онд нийт 80 оюутанд тус бүр 500,000 төгрөг олгохоор болсон байна.  

“Зөв хүн - Оюутны тэтгэлэгт” хамрагдах 80 оюутан дүүргийн татвар төлөгчдийн өмнө болон нийгмийн өмнө хариуцлага хүлээж орон нутгийн шийдвэр гаргах үйл ажиллагаанд идэвхитэй иргэний байр суурьтайгаар оролцож өөрсдийн оршин суугаа хороо, СӨХ-ны үйл ажиллагаанд хяналт тавих үүрэг хүлээнэ. Мөн тус оюутнууд тухайн жилдээ ИТХ-ын төлөөлөгчийн бүрэн эрхээ хэрэгжүүлэхэд нь дэмжлэг үзүүлж ажиллах юм байна. Энэ талаарх мэдээллийн дэлгэрэнгүйг ХУД-ийн төлөөлөгчг Н.Отгонбаярын албан ёсны цахим хуудаснаас авч болох нь. 

 

 

---