Ардчилсан нам X их хурлаа хоёр өдөр хийхээр төлөвлөөд байсан ч өчигдөр /2020.12.18/ шахаж дуусгажээ. 21 аймаг, есөн дүүргээс 2100 орчим төлөөлөгч оролцсон уг хурлаар Ардчилсан намын үндсэн дүрмийн шинэчлэлийг хэлэлцэж баталжээ. 

Ингэхдээ намын даргыг нийт гишүүдийн сунгаагаар бус их хурлаас сонгохоор болж, өөрчилсөн байна. Мөн үндсэн дүрмийн хүрээнд санхүүгийн хяналтын албыг шинээр байгуулахаар болжээ.

Үндсэн дүрмийн өөрчлөлтийг Улсын дээд шүүхэд өгч хянуулна. Шүүхээс дүрмийг баталгаажуулбал албан ёсоор хэрэгжиж эхэлнэ. Улмаар Улсын дээд шүүхээс дүрмийг хүлээн зөвшөөрсөн нөхцөлд намын даргыг их хурлаар сонгох боломж бүрдэнэ. хэрэв дүрмийн шинэчлэлийг Дээд шүүх хүлээн зөвшөөрөөхгүй бол бүх гишүүдээс санал авч намын дарга сонгодог дүрэм хэвээр үйлчлэх юм байна. 

АН-ын Х их хуралд 74 төлөөлөгч үг хэлж, давхардсан тоогоор 180 гаруй асуулт, санал гарсныг хэлэлцэн эцсэлжээ.

Улмаар АН-ын Х их хурлаас уриалга гаргажээ.

 

---