Нийслэлийн зургаан дүүрэгт хашлага, хайс цэвэрлэгээний ажил энэ өдрүүдэд явагдаж байна. Ес эхлэх гэж байгаа энэ хүйтэн өдрүүдэд гадаа ажиллаж байгаа ТҮК-ийн ажилчдын нөхцөл байдлыг сурвалжиллаа. 

Хот тохижилтын газрын ТҮГ-ын дарга Ш.Ганчулуун:

-Нийслэлийн зургаан дүүрэг, 180 км зам талбайд цэвэрлэгээ, ариутгал хийж байна. Өдөр бүр 7тн орчим ариутгалын бодис цацаж байна. Хашлага, хайсыг улиралдаа нэг удаа цэвэрлэдэг. Иргэдийн хувьд маск, тамхины ишээ хаядаг нь бидний ажилд хүндрэл учруулдаг. Хогийг хогийн саванд гэсэн соёлд суралцах хэрэгтэй. 

ТҮК-ийн ажилтан Б.Болормаа:

-Иргэд хэрэглэсэн маск, сальфеткааа их хаядаг. Нус, цэрээ нийдэг. Битгий хаяж байгаач гэж уриалмаар байна. 

---