ЭМЯ-ны өнөөдрийн мэдээллийн цагаар ГХЯ-ны Консулын газрын дарга Л.Мөнхтүшиг мэдээлэл хийлээ.

Тэрээр “УОК-оос өгсөн чиглэлийн дагуу энэ сард дөрвөн нислэг үйлдэхээр баталсан. Өнөөдөр Франкфуртаас 160 иргэн 14:20 минутад эх орондоо газардана. Энэ сарын 20-ны өдрийн Токиогийн нислэг хэвийн үйлдэгдэнэ.

Харин дотоодын дэгдэлт, тусгаарлах байрны асуудалтай холбоотойгоор энэ сарын 25-нд үйлдэх байсан Сөүл- Улаанбаатарын нислэгийг цуцлах зайлшгүй шаардлага гарсан. Энэ нислэгийг нэгдүгээр сард үйлдэнэ. Тухайн үед товыг зарлана. Энэхүү нислэгийн тийз захиалсан иргэд дараагийн нислэгээр ирэх боломжтой” гэв.

---