АНИМЭ
СПОРТ
ХӨГЖИМ
™ watch

АНУ-ын Ерөнхийлөгчийн бэлэглэсэн цагийг хулгайлжээ

Нийтэлсэн
2 сарын өмнө

Нийтэлсэн:   Г.Ганчимэг
2 сарын өмнө

Лондон дахь эртний эдлэлийн худалдааны газраас халаасны алтан цаг хулгайд алдагджээ. Хулгайчийн авсан уг цаг нь АНУ-ын 28 дахь Ерөнхийлөгч агсан Вүдроу Вилсоны бэлэглэж байсан 27,000 ам.долларын үнэтэй цаг байсныг цагдаагийн газраас мэдээлсэн байна.

Орон нутгийн цагаар бямба гарагт 12:30 минутын үед үл таних эрэгтэй Пиерпонт Аркад эртний эдлэлийн дэлгүүрт ваар худалдаж авахаар очсон байна. Гэвч үл таних эрэгтэйн картны үлдэгдэл хүрэлцээгүй ажээ. Дэлгүүрийн ажилтан ваарыг буцааж байранд нь тавих хооронд эрэгтэй танхимын үзүүлэнг нээж халаасны цагийг хулгайлаад гарсан байна.

. Мөн цагний дотор талд “АНУ-ын Ерөнхийлөгчөөс Британийн хөлөг онгоцны ахмадад далай тэнгист явуулсан аврах ажиллагааг үнэлэн 1914 оны гурав дугаар сарын 7-ны өдөр бэлэглэв” гэсэн зурвасыг үлдээсэн байна.

Лондоны цагдаа нар цагны зураг болоод хулгай хийсэн эрэгтэйн зургийг мягмар гарагт олон нийтэд дэлгэж, уг хэрэгтэй холбоотой мэдээлэл өгөхийг хүссэн байна. Мөн цагны эзэн удаан хугацаанд гэр бүлд нь хадгалагдаж ирсэн үнэт зүйл бөгөөд хулгайлсан этгээдийг нэн даруй эргүүлж өгөхийг хүсчээ.

Вүдроу Вилсон нь 1913-1921 оны хооронд АНУ-ын Ерөнхийлөгчөөр ажиллаж байсан бөгөөд өмнө нь Принстон их сургуулийн захирал, Нью Жерси мужийн захирагчийн үүргийг гүйцэтгэж байсан эрхэм юм.

Эх сурвалж: CNN


Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Холбоотой мэдээ

     Анимэ сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.