Нийслэл хот болон орон нутагт гацсан иргэд коронавирус илрүүлэх шинжилгээнд хамрагдах болон зорчих хугацааг энэ сарын 14-н хүртэл сунгаад байна. 

Энэ талаар ЗТХЯ-ны Төрийн нарийн бичгийн дарга С.Батболд “Иргэд шинжилгээ өгч орон нутаг, хот хооронд зорчихыг 10 хоногийн хугацаатай зохион байгуулахаар төлөвлөсөн ч Гамшгаас хамгаалах бүх нийтийн бэлэн байдлын зэргийг  арванхоёрдугаар сарын 14-н хүртэл сунгасантай холбоотойгоор уг хугацаа мөн сунгагдсан гэж ойлгож болно” гэв.

Энэ сарын 14-нөөс халдвар бүртгэгдээгүй орон нутаг руу зорчих хүсэлтэй иргэд шинжилгээ өгч зорчих эсэх талаар НОК-ын Нарийн бичгийн дарга, дэд хурандаа Д.Оюунбатаас тодруулахад “Энэ шийдвэрийг УОК гаргана. Нийслэлийн Онцгой комиссоос иргэдийг хэрхэн зорчуулах талаар хэд хэдэн саналаа хүргүүлсэн. Ирэх даваа гарагт тодорхой болох байх” гэсэн юм.

---