Хөдөө орон нутгийн иргэдийн хувьд шинжилгээ өгч 119.mn сайтаар хариугаа авч 72 цагийн дотор буцах ёстой. Гэтэл Эрүүл мэндийн яамнаас шинжилгээний хариу 48 цагийн хугацаанд хүчинтэй гэж байгаа. Гэтэл шинжилгээ өгсөн иргэдийн хариу 2, 3 хоногтоо гарахгүй байгаа талаар гомдол гарсаар байна.

Энэ талаар ХӨСҮТ-ийн Тандалт, судалгааны албаны дарга А.Амбасэлмаа “ХӨСҮТ, ЗӨСҮТ, орон нутгийн 2 авто нийт 4-5 лаборатори 24 цаг тасралтгүй ажиллаж байгаа. Хоногтоо 27-30 мянган сорьц шинжлэх хүчин чадалтай. Энэ сарын 7-нд нийт 27 мянган сорьцод шинжилгээ хийснээс 1600 гаруй ойрын хавьтлын шинжилгээ байсан. Бусад нь хөдөө орон нутаг явах болон нийслэлийн иргэдээс авч буй шинжилгээ. Шинжилгээ бол тасралтгүй, сааталгүй хийгдэж байгаа. Хамгийн гол нь шинжилгээний хариу шивэгдэж хүндээ хүрэх тал дээр удаж байна. Үүнд холбогдох газарт нь хандаад байгаа” гэх тайлбарыг өглөө.

---