Бүх нийтийн бэлэн байдал зарласан энэ цаг үед согтуугаар автомашин жолоодон ногоон байгууламжийн хамгаалалтын троссон хашлага болон мод дайрч сүйтгэх явдал удаа дараа гарсаар байна.

Сүүлийн долоо хоногт есөн удаагийн үйлдлээр есөн байршилд 40 гаруй ногоон байгууламжийн троссон хашлага, мод бут, хоёр ширхэг гацуур дайрч сүйтгэжээ. 
Улаанбаатар хотын нийтийн эзэмшлийн гудамж талбай, зам замын байгууламжийн цас цэвэрлэгээний ажлыг Нийслэлийн Хот Тохижилтын газар болон дүүргүүдийн Тохижилт үйлчилгээний байгууллагууд өдөр, шөнө ээлж гарган тасралтгүй зохион байгуулж халтиргаа гулгаа арилгах цас цэвэрлэгээний ажил 90 орчим хувьтай хийгдэж байна.
Хотын Ерөнхий менежерээс өгсөн үүргийн дагуу өнгөрөгч хоёр хоногт халтиргаа гулгаа ихээр үүсдэг, нар тусдаггүй, өгсүүр болон сүүдэр газруудын халтиргаа гулгааг арилгахад анхаарч 53тн бодис, 64тн давс нэмэлтээр цацаж ажилласан.

Гэсэн хэдий боловч шөнийн температур дунджаар хасах 25 хэмээс илүү гарч байгаагаас болон автомашины яндангаас гарах ус зам дээр хөлдөн зам дээр тогтмол хялмаа, толио үүсч эрсдэл үүсгэж байна. Тийм учир жолооч та бүхэн хурдаа тохируулан анхаарал болгоомжтой замын хөдөлгөөнд оролцохыг сануулж байна.

---