Нийслэлийн хэмжээнд 70 мянга гаруй иргэнд тандалтын зорилгоор коронавирусийн шинжилгээг маргаашнаас хийж эхэлнэ гэдгийг НОК-ын Шуурхай штабын удирдлагын багийн гишүүн Э.Эрдэнэбаатар хэллээ.

Тэрбээр "Нийслэлийн хэмжээнд коронавируст халдварын тохиолдлыг илрүүлэх чиглэлээр тандалтын судалгааг зохион байгуулахаар төлөвлөж байгаа.

Ялангуяа, нийслэлийн есөн дүүргийн хэмжээнд 30 цэгт 70 мянга гаруй иргэнд “Нэг өрх-Нэг иргэн” гэсэн зарчмаар тандалтын зорилгоор шинжилгээ авахаар болжээ. 

Энэ талаар дүүргүүдийн Онцгой комисс болон Шуурхай штабуудад үүрэг чиглэл өгч буй. Арванхоёрдугаар сарын 4-нөөс эхлэн арванхоёрдугаар сарын 11-нийг хүртэлх хугацаанд 70 мянган хүнд шинжилгээг хийх ажлыг зохион байгуулна.

 Нийт 30 цэгийг танилцуулбал,

• Баянгол дүүрэгт 6 цэг,
• Баянзүрх дүүрэгт 6 цэг,
• Сонгинохайрхан дүүрэгт 4 цэг,
• Сүхбаатар дүүрэгт 3 цэг,
• Хан-Уул дүүрэгт 4 цэг,
• Чингэлтэй дүүрэгт 2 цэг,
• Багануур дүүрэгт 2 цэг,
• Налайх дүүрэгт  2 цэг,
• Багахангай дүүрэгт 1 цэгт тандалтын шинжилгээг тус тус авна.

Ялангуяа, халдварын тохиолдол илэрсэн дүүргүүдийн иргэдийг шинжилгээнд ихээр хамруулах чиглэлээр энэ үйл ажиллагааг зохион байгуулна.

БАГЦ ӨВЧЛӨЛИЙН ГОЛОМТ, ХОРООГООР:

1. Баянгол - 1, 2, 3, 4, 6, 7, 9, 10, 18-р хороо
2.  Баянзүрх - 4, 10, 14, 15, 22-р хороо
3. Сүхбаатар - 12, 13, 16, 18-р хороо
4. Сонгинохайрхан - 7, 16, 19-р хороо
5. Хан-Уул – 4, 10, 16, 21-р хороо
6. Чингэлтэй - 19-р хороо
7.  Багануур - 4-р хороо

Дээрх хорооны нэг айл өрхийн нэг иргэн шинжилгээнд хамрагдах бөгөөд тухайн хорооноос иргэн таньд хаана, хэдэн цагт шинжилгээ өгөхийг нь хэлэх гэнэ. Тийм учраас айл өрхүүд хорооноосоо энэ талаарх мэдээллийг авах боломжтой. 

---