Ираны цөмийн эрдэмтэн Мохсен Фахризадехыг өнгөрсөн долоо хоногийн баасан гарагт амь насанд нь халдаж, хороосон хэрэг гарсан. Ираны эрх баригчид Израйль болон улсаасаа хөөгдсөн сөрөг хүчний бүлэг алсын удирдлагатай зэвсэг ашиглан цөмийн эрдэмтнийг хороосон гэж үзэж байна.

Аюулгүй байдлыг хамгаалах албаны удирдагч Али Шамханийн хэлснээр гэмт этгээдүүд цахилгаан төхөөрөмж ашиглаж Фахризадехын машиныг галдан шатаасан гэжээ. Түүний машиныг Тегераны зүүн хэсэгт шатаасан байна. Оршуулган дээр нь хэлсэн үгэндээ Шамхани Израйлийн тал эрдэмтнийг цөмийн зэвсэг хөгжүүлэхэд нууцаар тусалж байгаа хэмээн буруутгаж байсныг дурджээ.

Фахризадех нь 2000-аад оны эхэнд Ираны цөмийн хөтөлбөрт голлох үрэг гүйцэтгэж байсан юм. Уг хөтөлбөрийг Ираны эрх баригчид бүхэлдээ зэвсгийн бус энхийн зориулалттай байсан гэж хамгаалдаг. Гэвч барууны орнууд цөмийн зэвсэг үйлдвэрлэхээс сэрэмжилж Ираны эсрэг хориг арга хэмжээг эхлүүлсэн байдаг.

Цөмийн эрдэмтний үхлийн талаар мэдээлэхдээ Ираны Засгийн газар эхэндээ түүний машин шүүрэн шанага болтлоо бууны суманд өртсөн ба 3-4 террорист этгээд бие хамгаалагч нартай буудалцаж, эцэст нь амиа алдсан гэсэн юм.

Ираны хэвлэл мэдээллийн хэрэгслээр аллагыг алсын удирдлагатай, аль эсвэл хиймэл дагуулаас хяналттай зэвсгээр үйлдсэн хэмээн сүүлд мэдээлж байна. Мөн хэргийн газарт хэн ч байгаагүй гэжээ.

Эх сурвалж: ВВС

---