Засгийн газраас бүх нийтийн бэлэн байдлын зэргийг бууруулж халдварын тархалтаа хумисан болон халдвар тархаагүй аймгуудад өндөржүүлсэн бэлэн байдлын зэрэг тогтоосон. Харин Улаанбаатар хот болон Сэлэнгэ, Архангай аймгуудад хатуу хөл хорио хэвээр үйлчлэх болсон.

Гэвч тусгай үүргийн нислэгийг дээрх 10 хоногт авахгүй гэж УОК-ын дарга, Шадар сайд Я.Содбаатар хэллээ. Тэрбээр "Тусгаарлах байрнуудын асуудал бүрэн цэгцрээгүй байна. Энхсаран гэх мэт 10 гаруй газрыг цагдаагийн байгууллагад шилжүүлж бүх тусгаарлах байруудад дахин үнэлгээ хийж байна. Үүний дараа тусгай үүргийн нислэг авах асуудал яригдана. Ямартаа ч бүх нийтийн бэлэн байдлын зэрэг үйлчлэх ирэх 10 хоногт нэг ч нислэг авахгүй" гэлээ. 

---