Нийслэлийн онцгой комиссоос гаргасан шийдвэрийг НЗД-ын Хөгжлийн бодлогын асуудал хариуцсан нэгдүгээр орлогч Ж.Сандагсүрэн танилцуулж байна.  

НЗД-ын Хөгжлийн бодлогын асуудал хариуцсан нэгдүгээр орлогч Ж.Сандагсүрэн: 

-Нэгд, QR кодтой холбоотой мэдээлэл иргэдээс их ирж байгаа. Энэ бол Засгийн газрын тогтоолоор батлагдсан 13 байгууллагын албан хаагчдад зориулагдсан ажил юм. Тиймээс иргэдэд өгч байгаа хотын хорионд зорчих эрх гэж ойлгож болохгүй.

Улаанбаатар хот өндөр эрсдэлтэй хэвээрээ байгаа, хөл хорио хэвээрээ байгаа. Мэдээж иргэдийн аж байдал, санхүүгийн боломжийг хангах ажлууд зохион байгуулж байна. Иргэдэд орлогоо олонгоо ажиллах нөхцөл байдлыг судалж байгаа.

Хоёрт, хөдөө орон нутгаас Улаанбаатар хот руу ирж байгаа иргэдийн хөдөлгөөн нэмэгдэж байгаатай холбоотой анхааруулахад хот руу орох хөл хорио хэвээрээ байгаа. Маш яаралтай тохиолдолд бид ПСР-ийн шинжилгээ авч багадаа 24 цаг товчоонууд дээр хүлээж байж л орж ирнэ шүү.

Хөдөө орон нутаг руу гаргах, хот руу оруулах журам удахгүй хэрэгжиж эхлэх гэж байна. Энийг гартал байгаа байгаа газартаа хөл хорионы дэглэмээ бариад байж бай. Өчигдөр гэхэд л 300 гаруй иргэн 22-ын товчоон дээр ирж УОК, НОК-ын ажлыг нэлээд хүндрүүллээ. Хойшид журмаа мөрдөж, гарах, орох хөдөлгөөн хориотой хэвээрээ байгаа гэдгийг анхаараарай. Нийслэлийн 1200 дугаарын опперотаруудын тоог нэмэгдүүлсэн учраас одоо утсаа авна. Утсаа авахгүй байгаа гэсэн гомдол ирсэн. Одоо бол яаралтай бидэнтэй холбогдох зүйл байвал хэлж болно.

Бид цаг тухай бүрт нь гар утаар чинь мессэж бичиж мэдээлэх болно.

---