Нийслэлийн Иргэдийн төлөөлөгчдийн хурлын ээлжит II хуралдаан цахимаар явагдаж байна. Хуралдаанд НИТХ-ын 45 төлөөлөгчөөс 19 нь онлайнаар, долоо нь өөрийн биеэр оролцож байгаа юм.

Хуралдаанд цахимаар оролцож байгаа НИТХ-ын төлөөлөгч П.Наранбаяр "Нийслэлийн Засаг дарга энэ хугацаанд ямар алдаа гаргав. Алдаагаа хэрхэн засахаар ажилласан бэ?" хэмээн асуухад Нийслэлийн Засаг дарга бөгөөд Улаанбаатар хотын захирагч Д.Сумъяабазар:

-Аж ахуйн нэгжүүдийн үйл ажиллагаа доголдож байгаа. Судалгаанд оролцсон 3500 гаруй аж ахуйн нэгжийн 5600 орчим иргэнийг ажлын байр хүндэрч 258 тэрбум төгрөгийн алдагдал хүлээж байгаа.

Дүүргүүд эрсдэлийн үнэлгээгээ гарган хэрхэн ажиллах талаар ойрын өдрүүдэд УОК-т танилцуулна. Зарим арга хэмжээнд алдаа гарч байгааг үгүйсгэхгүй ээ. Нэг талаас авууштай зүйл гэвэл хотод шинээр халдварын голомт бүртгэгдээгүй. Ойрын хавьтагч нарыг тогтоон тусгаарласан. Махны нийлүүлэлт хэвийн үнийн хөөрөгдөл болоогүй. Хөдөө, орон нутгаас тогтмол хугацаанд нийлүүлэлт хийгдэж байгаа. Онлайн түгээлт буюу худалдан авалт дээр онцгой анхаарч ажиллаж байгаа.

12 сарын нэгнээс хойш эдийн засгийг зөөлрүүлэх бодлого барина. Миний хувьд алдаа гаргасан бол иргэдээсээ уучлалт хүсье. Хатуу хөл хорионы дэглэм бариагүй бол дотооддоо халдвар алдах эрсдэлтэй байсан. Мэдээж авсан арга хэмжээ иргэдийг бухимдуулсан, аж ахуйн нэгжид хүндрэл учруулсан зүйл байсан. Бүх нийтийн бэлэн байдлын зэрэгт шилжсэнээр гурван захирамжийг нийслэлээс гаргасан.

---