Цар тахлын улмаас Алтанбулаг боомтыг хоёр сарын хугацаанд хааснаар орос өндөгний нийлүүлэлт тасалдаж эхэлсэн. Гэтэл дотоодын өндөгний үнэ \450төг\ өсөж иргэдийн бухимдлыг ихээр төрүүлээд байна. Бидний худалдаа эрхлэгчдээс тодруулснаар өндөг үйлдвэрээс 400 төгрөгөөр ирж байгаа гэх мэдээллийг өгсөн. Мэдээллийн дагуу өндөгний үнийг хэвийн байгаа эсэхийг НВЦ ХХК-ийн ерөнхий менежер Б.Жавхлант-Одоос  тодрууллаа.

НВЦ ХХК-ийн ерөнхий менежер Б.Жавхлант-Од: “Улс даяар бүх нийтийн бэлэн байдлын зэрэгт шилжсэнээс хойш өндөгний үнэ хэвийн түвшинд байгаа. Өндөгний үнэ хүйтний улиралд тэжээлийн үнээс шалтгаалан тодорхой хэмжээгээр нэмэгддэг. Цар тахалтай холбоотойгоор ашиг олохоор өндөгний үнийг нэмээд хөдөлгөөд байгаа асуудал байхгүй. Улирлын чанартай үнийн өсөлт байгаа боловч одоогоор үнээ тогтвортой барьж байна.

С1 буюу нийт өндөгний 85 хувийг эзэлдэг өндөг 340төг, C0 өндөг /том хэмжээтэй өндөг/ 360 төгрөгөөр нийлүүлэгдэж байна. Энэ үнэ 2021 оны нэгдүгээр сарын 31 хүртэл хөдлөхгүй" гэв.

---