Дархан –Уул аймагт өнөөдрөөс эхлэн "Нэг өрх - Нэг иргэн"-ийг PCR шинжилгээнд хамруулах ажил өрнөж байна.

Өглөөний 08:00 цагт аймгийн ЭМГ-ын дарга Б.Батцэнгэл, аймгийн Нэгдсэн эмнэлгийн ерөнхий эмч Мөнхбат нар тандалтын болон ариутгалын багийханд амжилт хүсч зааварчилгаа өгчээ.

Энэхүү шинжилгээг нийт 18 цэгээр дамжуулан өглөөний 08:00-13:00,  өдрийн 14:30-22:00 цагийн хооронд гурван өдрийн турш явуулах юм.

Өмнө нь түргэвчилсэн оношлуураар мөн хамрын арчидас өгсөн ч хамаагүй тухайн өрхөөсөө нийгмийн харилцааанд хамгийн ихээр оролцож байгаа НЭГ иргэнээ сонгоод төлөөлөл болгон яг одоо амьдарч байгаа багийнхаа харьяалагдах шинжилгээ авах төвд очиж өгнө. Таны үндсэн багийн харьяалал хамаагүй гэдгийг сайн анхаарна уу. Энэ бол эцсийн баталгаажуулах шатны PCR шинжилгээ.

Шинжилгээнд хамрагдах өрхийн нэг иргэн хэн байх вэ?

 (Танай гэр бүлээс доорх асуултад хэн нь хамгийн их

“Тийм” гэсэн хариултыг авсан нь шинжилгээнд хамрагдана)

• Эмнэлгээр тогтмол үйлчлүүлдэг
• Эрүүл мэндийн байгууллагад ажилладаг
• Олон хүнтэй харьцдаг ажил, хөдөлмөр эрхэлдэг (хууль сахиулах, гал сөнөөгчид, багш г.м)
• Сүүлийн 2 долоо хоногийн хугацаанд халуурах, ханиаж найтаах, ядрах, толгой өвдөх шинж тэмдэг илэрч байсан
• Сүүлийн 2 долоо хоногийн хугацаанд олон нийтийн газраар олон удаа явсан өгүүлэмжтэй
• Халдварт бус өвчний өгүүлэмжтэй (артерийн даралт ихсэх, чихрийн шижин өвчтэй, зүрх, уушгины өвчтэй, хэт таргалалттай г.м)
• 60 түүнээс дээш настай

---