Төвдийн өөртөө засах орны Засгийн газрын тэргүүн Лувсан Сэнгээ цөллөгт байгаа билээ. Түүнийг АНУ-ын эрх баригчид энэ долоо хоногийн баасан гарагт Цагаан ордонд урьсан байна. Америкийн Засгийн газар 60 гаруй жилийн дараа цөлөгдсөн Төвдийн удирдагчийг Цагаан ордонд урьсан нь Бээжин дэх эрх баригчдын уур бухимдлыг өдөөн хатгасан үйлдэл гэж үзжээ.

Төвдийн бүс нутаг Америк, Хятад хоёр орны дунд маргаан дагуулсаар ирсэн билээ. АНУ-ын Төрийн нарийн бичгийн дарга Майк Помпео өнгөрсөн долдугаар сард Бээжинг Төвдөд хүний эрх зөрчиж байна хэмээн буруутгаж, Вашингтон автономит бүс нутгийн бүрэн эрхийг дэмжиж байгааг илэрхийлсэн юм.

Бээжингийн эрх баригчид АНУ-ыг Төвдийг ашиглан салан тусгаарлах үзлийг өдөөн хатгасаар ирсэн гэж үздэг. Хятадын Засгийн газар 1950-аад онд Төвдийг эрхшээлдээ авснаас хойш тайван замаар чөлөөлсөн гэж үздэг боловч Далай лам тэргүүтэй шүүмжлэгчид соёлын геноцид үйлдсэн хэмээн буруутгаж ирсэн билээ.

Эх сурвалж: The Guardian

---