Японы мэргэжлийн сумо бөхийн 11 дүгээр сарын Кюүшү башёгийн 14 дэх өдрийн барилдааныг шууд дамжуулан үзүүлж байна.
13 өдрийн дараах байдлаар монгол бөхчүүдийн даваа унааны дэлгэрэнгүй мэдээлэл болон Кюүшү башёгийн 13 дахь өдрийн барилдааны тоймыг ЭНД дарж үзнэ үү.
Өнөөдөр Комүсүби Тэрүнофүи Г.Ган-Эрдэнэ башёг тэргүүлэгчдийн нэг болох Маэгаширагийн 17-оос барилдаж буй Шиманоумитэй /11-2/ барилдах бол башёг нэг унаатайгаар ганцаараа тэргүүлж буй Озеки Такакейшо секиваке Митакеумитэй барилдах оноолттой байна.
Харин дээд зиндаанд барилдаж буй манай бусад бөхчүүд дараах оноолттой байна.
- Кирибаяама Лхагвасүрэн /3-10/ - Маэгашира 4 Тобизаур /5-8/
- Тамаваши Мөнх-Оргил /7-6/ - Маэгашира 14 Чиёонокуни /9-4/
- Хошорюү Бямбасүрэн /7-6/ - Маэгашира 5 Мёогирюу /3-10/
- Ичиножо Ичинноров /6-7/ - Маэгашира 8 Аойяама /5-8/
- Чиёошома Мөнхсайхан /7-6/ - Жүрёо 3 Ишиура /8-5/
Өнөөдөр манай бөхчүүдийн хувьд тун хариуцлагатай барилдаануудыг хийх ёстой. Учир нь Комүсүби Тэрүнофүи Г.Ган-Эрдэнэ түрүүлэхийн тулд үлдсэн хоёр барилдаандаа хоёуланд нь давах хэрэгтэй бол Тамаваши Мөнх-Оргил, Хошорюү Бямбасүрэн, Чиёошома Мөнхсайхан нар нэг давж байж 50-аас дээш хувийн амжилтаа үзүүлнэ. Харин Ичиножо Ичинноровын хувьд унах эрхгүй хоёр барилдаан түүнийг хүлээж байна.
