УОК өнгөрсөн хоёрдугаар сараас хойш гадаадад гацсан иргэдээ тусгай үүргийн онгоцоор татан авах ажлыг шат дараатай зохион байгуулж буй. Гэтэл коронавирусийн цар тахал дотоодод тархсантай холбоотойгоор улс орон даяар бүх нийтийн бэлэн байдлын зэрэгт шилжиж, тусгай үүргийн бүх нислэгийг арванхоёрдугаар сарын 1-ний өдөр хүртэл зогсоогоод байгаа юм. 

Нутаг буцах хүсэлтэй олон мянган иргэдийн ганц найдвар болсон тусгай үүргийн нислэг цуцлагдсанаар иргэд хүнд хэцүү нөхцөлд өдөр хоногийг арайхийн өнгөрөөж байна. Бид гадаадад байгаа иргэдийн төлөөлөл болох А.Долгорсүрэн, У.Анхмаа нартай холбогдлоо.

---