Орхон аймгийн хэмжээнд батлагдсан 13 тохиолдлын 307 ойрын хавьтал байна. Ойрын хавьталд одоогоор сургууль цэцэрлэгийн 141 хүүхэд байна.  Тэдгээр хүүхдүүдийг гэртээ байхыг сануулж гэрээр нь сорьцын шинжилгээ авч байна. 

Мөн хүүхдүүдээс бусад ойрын хавьтал болох 57 хүнийг ажиглалтын байранд тусгаарласан байна. Эдгээр тоо нэмэгдэж болно гэдгийг анхаарууллаа. 
Өчигдрийн байдлаар 1300 иргэнээс сорьцын шинжилгээ авч 678 иргэний хариу гарсан. 

Үүнээс 4 тохиолдол эерэг гарлаа. Энэ түргэвчилсэн тест гэдгийг анхаарна уу! Дахин баталгаажуулах шинжилгээнд явуулна. 
Эдгээр 4 иргэний 2 нь өчигдөр ХӨСҮТ-рүү шилжүүлсэн иргэдийн ойрын хавьтал тул цуг ХӨСҮТ-д шилжүүлсэн байсан. 
Үлдсэн 2 иргэнийг ажиглалтын байранд бүрэн тусгаарласан байгаа.
Орхон аймагт хүн амд халдвар тархах эрсдэлийн үнэлгээг хийхэд маш өндөр гарсан. 
БОЭТ-д хөл хөдөлгөөнийг хязгаарласан байгаа. Зайлшгүй шаардлагатай тохиолдолд эмчийн хяналтаар ирэх бөгөөд бусад үед харьяа ӨЭМТ-д дуудлага өгч гэрээр үйлчилгээ авах хэрэгтэй. 
Сорьц авах 15 түр цэг ажиллаж байна. Энэхүү байрнуудад эхлээд ойрын хавьтал болон дам хавьтагчдаас шинжилгээ авахыг анхаарна уу. Халдвар авах эрсдэл үүсэх учраас иргэд 70353666 утсаар холбогдож хүсэлтээ өгч эрэмбийн дагуу сорьц өгөхийг хэллээ.
Батлагдсан 13 тохиолдлын 7 иргэний маршрутыг зургаар орууллаа. Бид өчигдөр 3 иргэний маршрутын зураглалыг оруулсан.

---