ЭМЯ-наас коронавирусийн нөхцөл байдлын мэдээг /2020.11.19/-ны 17.00 цагийн байдлаар танилцууллаа. Өглөө мэдээлэл хийснээс хойш нэмж 13 хүнээс коронавирус илэрч, нийт тохиолдол 518  болжээ. 
ХӨСҮТ-ийн Тандалт судалгааны албаны дарга А.Амбасэлмаа: Өглөө 11.00 цагт мэдээлэл хийснээс хойш нийтдээ 13 хүнээс коронавирус илэрч, нийт тохиолдол 513 боллоо. 

-Улаанбаатарын голомт нэмэгдээгүй. 

-Сэлэнгийн голомтын нийт 53 хүнд шинжилгээ хийхэд 13 хүнээс коронавирус илэрлээ. Нийт тохиолдлын тоо 41 боллоо. 

-Дархан-Уул аймгийн голомт нэмэгдээгүй, 11 хэвээрээ байна. 

-Орхон аймгийн голомт 13 хэвээрээ байна. 

-Дорноговийн голомт нэг хэвээрээ байна. 

-Говьсүмбэр аймгийн голомт нэг хэвээрээ байна. Улаанбаатарын голомтын тухайд УБТЗ-ын харьяа 4, өмнө нь бүртгэгдсэн голомтод 14 нийтдээ 18. 

Дотоодын халдвар нийт 85 бүртгэгдэж байна" гэв.

Коронавирусийн халдварын голомтуудын ойрын болон хоёрдогч хавьтлуудыг тогтоох ажил үргэлжилж байна хэмээгээд нэг зарын чанартай мэдээлэл хүргэв.

Тэрбээр, энэ сарын сарын 9-11-ны хооронд 17.00- 03.00 цагийн хооронд Арслантай гүүрний баруун хойд талын Багшийн хөгжлийн ордны чанх хойд талын “Говь гурван сайхан” караокегоор үйлчүүлсэн иргэд ХӨСҮТ-ийн 80086829, ЭМЯ-ны 119 тоот утсаар холбогдон зөвлөгөө зөвлөмж авахыг санууллаа.

---