Эрүүл мэндийн яамны 17:00 цагийн мэдээллийг хүргэж байна.

ЭМЯ-наас 11:00 цагийн мэдээллийн үеэр Монгол Улсад нийт батлагдсан тохиолдол 455 болсон хэмээсэн бол 18 тохиолдол шинээр бүртгэгдэж, 473 боллоо.

Нийт 963 хүнд шинжилгээ хийхэд 18 хүнээс коронавирусийн халдвар илэрлээ.

-ХӨСҮТ-ийн лабораторид нийт 556 хүнд шинжилгээ хийхэд эмнэлгийн нэг ажилтан

-Дархан-Уул аймгийн лабораторид нийт 348 хүнд шинжилгээ хийхэд дөрвөн иргэн

-Сэлэнгэ аймгийн лабораторид нийт 59 хүнд шинжилгээ хийхэд 13 иргэнээс халдвар илэрлээ.

Эдгээр бүх тохиолдлууд батлагдсан тохиолдлуудын ойрын хавьтал гэдгийг онцлон дурдлаа.

Ингээд:

• Сэлэнгэ аймагт нийт 23
• Дархан-Уул аймагт нийт 8
• Говь-Сүмбэр аймагт нийт 1
• Улаанбаатар хотод 15 тохиолдол албан ёсоор бүртгэгдээд байна.

Улаанбаатар хотын Д-гийн ойрын хавьтлын 139 хүнд хоёр дахь, 40 хүнд гурав дахь давтан шинжилгээ хийхэд халдвар илрээгүй байна. 

---