АНУ-ын Аляск мужийн Якутат нисэх буудал дээр газардаж байсан онгоц зурвас дээр байсан хүрэн баавгайг мөргөжээ.

Кордовагаас Якутатын чиглэлд нислэг үйлдсэн Аляск Эйрлайнсын 66 дугаар нислэгийy Боинг онгоц газардах явцдаа буух зурвас дээр хоёр баавгай байгааг харжээ.

Баавгайнуудыг өнгөрөөж газардсан гэж бодсон боловч нисгэгч зүүн талын хөдөлгүүрээр ямар нэг зүйл мөргөснөө мэдсэн байна. Буугаад хартал Боинг 737-700 онгоцны зүүн талын хөдөлгүүр гэмтсэн байсан ба хэдэн метрийн зайд дайруулсан хүрэн баавгай газарт хэвтэж байжээ.

Нислэгийн үеэр онгоцонд зургаан зорчигч байсан бөгөөд зоригчид гэмтэж бэртээгүй. Нислэгийн хяналтын төвд мэдээлсний дараа нисэх буудлын ажилтнууд үхсэн баавгайн цогцсыг зурвасаас холдуулж агуулахад хүргэжээ.

Урьд өмнө онгоц шувуу, бусад амьтдыг онгоцоор мөргөсөн тохиолдол гарч байсан ч хүрэн баавгай зурваст нэвтрэн, мөргөсөн явдал анх удаа тохиолдсон гэж нисэх буудлын ажилтнууд ярьсан байна.

Эх сурвалж: CNN

---