Коронавирусийн цар тахлын нөхөл байдлаас үүдэн иргэдэд олгодог халамж, тэтгэмжийн мөнгийг хугацаанаас нь өмнө дансанд нь шилжүүлж байна. 

Нийт 53 мянган хүнд 288 мянган төгрөгийн халамж, 80 мянган хүнд 106 мянган төгрөг. 446 мянган хүнд 156 мянган төгрөгийн хаалмжийг шилжүүлсэн. Нийлбэр дүнгээр 24 орчим тэрбум төгрөгийг шилжүүлжээ.  

Мөн хүнсний талон авдаг хүүхэд, том хүн нийлсэн 242 мянган иргэнд нийт 4,8 тэрбум төгрөг шилжүүлжүүлэх ажлыг хийж байна. Дансгүй 13 мянга орчим иргэн байна. Тэдгээрт талоны мөнгийг нь хүргэж өгөх ажлыг хийж байгаа талаар Засгийн газрын Хэвлэл мэдээлэлтэй харилцах хэлтсийн дарга Ц.Ганзориг мэдээлсэн юм. 

Харин өнөөдрөөс арваннэгдүгээр сард олгогдох хүүхдийн 100 мянган төгрөгийг иргэдийн данс руу шилжүүлэхээр болсон байна. 

Хүүхдийн 100 мянган төгрөгийг 2021 оны эхний хагас жил хүртэл олгох шийдвэр гаргасан бөгөөд үүнд зориулж төсөвт 864 тэрбум төгрөг суулгасан юм.

---