Бүх нийтийн бэлэн байдлын зэрэглэлд шилжсэнээр хүнсний дэлгүүр, зах, ШТС, хүнсний үйлдвэр, эмийн сан, эмнэлэг, худаг, усан хангамж, эрчим хүч, дулааны цахилгаан станц, түлш, хэвлэл мэдээлэл, харилцаа холбоо, хот хоорондын хүнсний тээврийн үйлчилгээ, буяны үйл ажиллагаа хэвийн явна. Бусад бүх байгууллага ажиллахгүй гэж УОК шийдвэрлэсэн.

Энэ дагуу салбар бүрийн сайд нар хяналтаа хийж, ажиллаж байгаа хувийн хэвшил болон төрийн зарим байгууллагуудад шаардлага, хариуцлагыг хүргүүлж ажиллахаар хуралдаж байгаа юм байна.

Мөн цагдаа, хуулийн байгууллагууд хатуу шаардлага тавьж ажиллахаар нэмэлт хүч гаргажээ. Иймд ажиллах шаардлагатай байгууллагын албан хаагчид ажлын үнэмлэх, биеийн байцаалтаа авч явахыг ЗГ-ын Хэвлэл мэдээллийн албаны дарга Ц.Ганзориг санууллаа.

---