Эрүүл мэндийн яамнаас коронавирусын нөхцөл байдлын талаарх ээлжит мэдээллээ хийлээ. Коронавирус илэрсэн эхнэр, нөхөр хоёрын ойрын хавьтлын 24 хүний эхний шинжилгээний хариуг танилцууллаа.

ХӨСҮТ-ийн захирал Д.Нямхүү: Халдвартай илэрсэн хоёр хүнтэй ойрын хавьтал болсон 24 хүнд шинжилгээ хийсэн. Шинжилгээ хариу гарч, хоёр хүнээс коронавирусийн халдвар илэрсэн. Энэ хоёр хүний харьцсан хүмүүсийн судалгааг хийж байна. Нэг нь дүү оюутан, нөгөө нь ээж нь халдвар авсан байна. Судалгаа хийнэ гэдэг цаг хугацаа их орно. Судалгаагүйгээр мэдээлэл өгөхгүй ,харьцуулахын аргагүй их ажил хийж байж судалдаг. Тиймээс мэдээллийг нэгдсэн журмаар өгөх нь бидэнд хөнгөн байна. Тиймээс хэвлэлийнхэн болон ард иргэдийг хүлээцтэй байхыг хүсье гэлээ.

Халдварын нөхцөл байдлын талаар ЭМЯ-наас албан ёсны мэдээллийг тогтмол өгч ажиллана. Хэвлэлийнхэн тасралтгүй утасдаж, бидний цаг завгүй ажилд саад болж байна. Үүнээс болж манай эмч, мэргэжилтнүүд хүртэл дотроо муудаж, бие биедээ гомдох зүйл гарч байна.

УОК-ын хэвлэлийн төлөөлөгч Ц.Ганзориг "Нэгдүгээр хавьтлын 24 хүнээс гэр бүлийн хоёр хүнээс халдвар илэрлээ. УОК, ЭМЯ-ны нэг шугамаар мэдээллийг түгээж байгаа. Үүнээс өөрөөр албан бус эх сурвалжийн мэдээллийг түгээх нь олон эрсдэл дагуулж байна. Хүний эрхийн талаасаа зарлаж болох болон болохгүй мэдээллүүд байгаа. УОК, ЭМЯ-наас шинэ мэдээ мэдээллийг цаг тухай бүрд нь өгөхийг зорин ажиллаж байна" хэмээн хэллээ.

Түүнчлэн манайд ирүүлсэн эх сурвалжийн мэдээллээр дүүгээс нь найз охин нь халдварласан бөгөөд найз охин нь МУБИС-ийн ...дугаар дотуур байранд амьдардаг байна. 

Үүнтэй холбоотойгоор МУБИС-ийн ...дугаар дотуур байрыг тусгаарлаад байгаа гэх мэдээлэл ч байна.

 

---