Улсын онцгой коммисын хуралдааны үеэр Шадар сайд Я.Содбаатар тусгай үүргийн нислэгүүдийг дотоодын нөхцөл байдалтай уялдуулан хязгаарлалт хийнэ гэдгийг мэдэгдэв. 

Өнөөдөр Улаанбаатар-Япон улс руу тусгай үүргийн нислэг хийгдсэн. Учир нь тус улс руу ажиллах хүсэлтээ иргэд байсан мөн тус улсаас 160 гаруй иргэнийг татан авчрах юм. БНСУ руу энэ сарын 12-13-нд нисэх хуваарьтай байсан тусгай үүргийн нислэгийг цуцалсан. Цаашид 11 дүгээр сарын тусгай үүргийн нислэгт хязгаарлалт хийнэ. Дотоодын нөхцөл байдлыг харгалзан гадаадаас иргэдээ татан авна гэдгийг Шадар сайд дурдсан юм. 

 Улсын онцгой комиссын энэ сарын 11-ны өдрийн 33 дугаар хурлаар Улаанбаатар хотод энэ сарын 11-13 хүртэл гурав хоногийн хугацаанд хөл хорио тогтоох шийдвэр гаргасан юм.

---