Засгийн газрын өнөөдрийн хуралдаанаар Сэлэнгэ аймаг дахь Алтанбулаг боомтоор гарах ачаа тээврийн хөдөлгөөнийг энэ сарын 16-наас эхлэн ирэх 2021 оны нэгдүгээр сарын 18-ныг хүртэл зогсоох шийдвэр гаргалаа.

Энэ сарын 16-ныг хүртэл хилээр нэвтрэх ачаа тээврийн хэрэгслийг өндөр хяналт хамгаалалтын доор нэвтрүүлэх юм. Харин зорчигчийг оруулж гаргахад УОК-ын шийдвэрийг харгалзан үзнэ. 

Түүнчлэн ОХУ-тай хиллэдэг Тэс, Арц, Суурь, Ханх, Ульхан боомтуудыг арваннэгдүгээр сарын 16-наас эхлэн түр хугацаагаар хаах юм. Харин Баян-Өлгнйн Цагааннуур боомтыг энэ сарын 23-ны өдрөөс эхлэн сар бүрийн 2, 4 дэх долоо хоногт нээх бөгөөд энэ үед зөвхөн нефтийн импортын бүтээгдэхүүнийг оруулах аж.

---